नवी दिल्ली : ‘घुसखोर पंडित ‘या चित्रपटाचे दिग्दर्शक नीरज पांडे यांना सर्वोच्च न्यायालयाने गुरुवारी फटकारले. न्यायालयाने म्हटले की अशा शीर्षकाचा वापर समाजातील एका घटकाची बदनामी करू शकतो.
जोपर्यंत तुम्ही बदललेल्या नावाची माहिती देत नाही तोपर्यंत आम्ही चित्रपट प्रदर्शित होऊ देणार नाही.
मनोज वाजपेयी अभिनीत ‘घुसखोर पंडित’ या चित्रपटाच्या प्रदर्शनाला स्थगिती देण्याची मागणी करणाऱ्या याचिकेवर सुनावणी करताना सर्वोच्च न्यायालयाने चित्रपटाच्या शीर्षकावर तीव्र आक्षेप व्यक्त केला. हा चित्रपट ओटीटी प्लॅटफॉर्म नेटफ्लिक्सवर प्रदर्शित होणार होता.
नवीन नाव जाहीर झाल्यानंतरच हा चित्रपट प्रदर्शित होईल
पीटीआयच्या वृत्तानुसार, ‘घुसखोर पंडित’ या चित्रपटासंदर्भातील याचिकेवर न्यायमूर्ती बी.व्ही. नागरत्ना आणि उज्जल भुयान यांच्या खंडपीठाने माहिती आणि प्रसारण मंत्रालय आणि केंद्रीय चित्रपट प्रमाणन मंडळाला नोटीस बजावली. न्यायालयाने म्हटले की, “समाजातील एका घटकाची बदनामी करण्यासाठी तुम्ही असे शीर्षक का वापरत आहात? हे नैतिकता आणि सार्वजनिक सुव्यवस्थेचे उल्लंघन करते.”
न्यायालयाने चित्रपट निर्मात्यांना “घुसखोर पंडित” समाजाच्या कोणत्याही घटकाची बदनामी करत नाही असे प्रतिज्ञापत्र दाखल करण्याचे निर्देश दिले. या प्रकरणाची पुढील सुनावणी १९ फेब्रुवारी रोजी होईल.